سهرة دفا .. بقلم الشاعرة : حنان نيصافي

( سهرة دفا ) 

إنتَ وأنا وهالمسا سهرانين 

ليش الضجر بعدنا 

بعمر  الزهر و الياسمين 

تعا لنحكي ونضحك 

عَ قصصنا الماضيين

عَ ولادنا وحكاياتهم الحلوين 

عَ بنت جيرانا يلي نطرتا 

تحت الشتي بتشرين 

عَ عشق الطفولة 

وبراءة العاشقين

عَ قصصنا الحلوة والمرة 

بكل هالسنين 

عَ أول مرة شفتك أنا 

وسرقت نظر بعيوني 

الحلوين 

قلتلي : إنتي إلي  بقلبي 

مشبكةمتل عريشة الياسمين 

يا سوسنة عمري 

خلص الحكي وراح الضجر 

حاجة تتغزلي بجمالك 

يا حلوة الحلوين 

قلتلو: تعا لنحكي بالوما 

لسا عيونك بفهما 

قرب لجنبي 

ويضمني ضمة حنين 

وحس الدفا تغلغل

 بجسمي 

تا وصل عَ الجبين 

ومن لمسة إيديك

 بفهم عليك 

يا قمر تشرين 

بقلمي حنان نيصافي