عيد الأم .. بقلم الشاعر: عمرو ياسين

فى ذكرى (عيدالام) 

بقلمى/عمرو ياسين

بعنوان /عيد الام

*قالو عيد الام اهو جاي

       قولت عيد بلا امي طب ازاي*

*قالو عيد لكل ام تعيش

       قولت غيرك  ياامي ام مافيش*

              # اصلي ما عنديش#

*قالو جاحد بقلب قاسي

       قولت من المي وحزني ياناسي*

*راح ابويا وماتت امي

       ما عندي غيرهم يمحي همي*

               #وتقولولي عيد ام#

*اهو يوم عادي ومش مهم

       اهم من عيد الام وجود الام*

*دي اللي تشيل وتضم

       دي اللي عندي من الدنيا اهم*

               #مش تقولي عيد ام#

*الام نعمه وانا اتحرمت 

       من ايد تشيل عني الهم*

*من حد يسمع ليا ويهتم

       شرط يكون من نفس الدم*

              # قال عيد الام قال#

*طب خلاص وماتزعلوش*

              # في عيد ام#

       #بس يعني هاعمل ايه وهاقول ايه#

              # ما انا قولت قبل سابق#

*قولت عنها هي امي

       قولت ذكراها بتجري في دمي*

               #بس خلاص خلص الكلام#

               #قلمي حبره جف زي ارض بور#

*ترمي مياه او بذور

       تستني خضره او زهور*

               #لكن مافيش .ارض بور

*يعني الحياه عندي بلا ام

       ماعدش فيها شي مهم*

*بالاختصار الدنيا بلا ام 

               #دنيا بور#

       لا فيها راحه ولا فيها نور*

بقلمي/عمرو ياسين

الدوله /مصر

بعنوان/عيد الام