تشوف أهوال .. بقلم الشاعر: صلاح الجنايني

 

تشوف أهوال

تصادف كل يوم اهوال

بشر عايشة حرامها حلال

حتى الآخرة مش بالبال

ناقص غشاش على اندال

عايش ربه عليه شاهد

قاتل بيقول ده بيجاهد

في كلمة حق بيناهد

عامل واعظ طلع فاسد

لابس ابيض تشوفه 😇 ملاك

ضد الحق واقف باك

👿 شيطان في الحق يتحداك

يلف يدور تسيبله افاك

سنين عامل فيها الجاحظ

بيدي دروس عامل واعظ

♥ قلبه نظام فاسد بايظ

كرشه ماليه حرام فايظ

اسمه حتى فيه خسارة

يداري عينيه في نضارة

ديه نفسه تملي امارة

يسوق السوق في طيارة

حرام حلل حلال حرم

كتاب 📖 المولى فيه جرم

كلام تسمع ♥ قلوب ورم

فاسد على ربه يستعظم

تركز فيه ملوش ملة

تاجر للدين سيده جبلة

انضف منه ديه الجلة

في عينه المسكنة الذلة

دينه يغير مع فنلة

كبير عامل طلع قلة

يعشق في حياته الجهل

حبيب المال طريقه السهل

طابور ماشي كده بالمهل

👿 شيطان الجهل حرقه الحل

تصادف كل يوم اهوال

بشر عايشة حرامها خلال

تشوف اهوال

الشاعر صلاح الجنايني