محطتي الجاية.. بقلم الشاعر: أيمن شتا

 

محطتي جاية

....

كلمات الشاعر ايمن شتا 

.... 

قطر الحياة ماشي.. ومحطتي جاية

هنزل وانا شايل.. اعمالي في أديا

ولكل واحد دور.. مهما الحياة هتدور

لازم يجيلك دور.. ومحطتك جاية

قطر الحياة ماشي.. ومحطتي جاية..

...

قطر وملوش مواعيد..

وفي كل لحظة جديد..

فناس بتنزل منه..

وناس كتير بتزيد..

والقطر اهو ماشي..

ومحطتي جايه..

هنزل وانا شايل.. أعمال في أديا..

ولكل واحد دور.. مهما الحياة هتدور.

لازم يجيلك دور.. ومحطتك جايه..

قطر الحياة ماشي..

....

قطر الحياة درجات

فيه اللي عدي وفات

فيه اللي بيحور

فيه اللي عاش فسكات

ولكل واحد دور.. مهما الحياة هتدور

لازم يجيلك دور.. ومحطتك جاية

قطر الحياة ماشي..

ومحطتي جاية..

....

قطر الحياة ماشي.. ومحطتي جاية

هنزل وانا شايل.. اعمالي في أديا

ولكل واحد دور.. مهما الحياة هتدور

لازم يجيلك دور.. ومحطتك جاية

قطر الحياة ماشي..

....

قطر وركابه..

واقفين على بابه.. 

بينفضوا ترابه..

والكل مستني..

وداع لاحبابه.....

..... 

مهما الحياة هتدور..

لازم يجيلك دور..

قطر الحياة ماشي..

ومحطتك جاية..

نازل وانا شايل.. اعمالي في أديا..

قطر الحياة ماشي..

ومحطتي الجاية..

....

ايمن شتا