نثر
نداء
يا دنيا ليه تفرقينا
وتبعدينا وتحرمينا
من نور قلوبنا وحياتنا
ومن أرواحنا وعنينا
يا دنيا ليه تلعبي بينا
ده من يومين إحنا بدينا
يا دنيا
والحب طريقنا وخطاوينا
ومنية قلوبنا وأمانينا
يا دنيا مالك بس ومالنا
ما تتركينا بقى فى حالنا
دالحب طريقنا وقمرنا
وهو فى الدنيا آمالنا
******
يا دنيا أيه ذنبي ال جنيته
غير إنى عرفته وحبيته
*******
يا دنيا كفاك معاى حراب
وكفاني فى البعد عذاب
دالحب فيك عمار
والعكس واللهِ خراب
******
لو تبعدينا بلاد وبلاد
يبظل هو نور الفؤاد
*****
حبه بيجري فى دمي يا ناس
بكل المشاعر والإحساس
ليه تلبسينا الحزن لباس
ليه يا دنيا
يا ريت ترجع من تانى
دهى حبي وخلاني
وهى دم فى شرياني
وهى عقلي ووجداني
وهى عمري وزماني
*******
يا دنيا بُعده زاد همي
دحبه بيجري فى دمي
*****
يا دنيا ما تحني شويه
دالدم عمره ما كان ميه
*****
يا دنيا ليه تلعبي بينا
ما كفاك الدمع فى عنينا
قبل الوصال فرقتينا
وبدم قلوبنا تبكينا
ليه يا دنيا
******
قالو الفراق فى الحب نار
قالو أنه قدر من الأقدار
صنعو الصواريخ عابره الأقطار
وبيها وصلو للأقمار
لكن فى الحب الكل إحتار
إحتار يا دنيا
*****
الحب فى القلب ضناني
مين ال يعرف أسراره
مين ال يحلل أفكاره
مين ال يقدر على ناره
مين إلا انسانه تداوم
على الحب وتوصل أوتاره
******
قالو الخبراء بيحللوه
قالو العلماء بيفسروه
قالو العشاق بيعلموه
*****
يا دنيا ليه تأسى عليه
وهو روحى وعنيه
ليه ليه يا دنيا
محمد عبد.الغنى السيد
ليست هناك تعليقات:
إرسال تعليق