رباعية فى حب مصر
بلادى معاكي وروحي فداكي
وشاورى أجيلك فريضه وسنه
بسمرة ولادك وليلك ونيلك
باسمك ورسمك كلامي تغنى
بعزة إلاهك ونصرة ولادك
بجوك بسحرك قليبي تمنى
بلادى الجميله بلادى الأصيله
ثراها خميله زهور تمر حنه
حدودها سليمه جنودها عزيمه
ونارها بتحرق ايد من تجنى
بلادى بلادى منار الوجود
ومن غير مصر العروبه تقود
سنا فى رباها يميط الظلام
ومن ذاق نيلها إليه يعود
فأجناد مصر دعاة السلام
جفاة الأعادى وفاة العهود
وصية نبينا عليه السلام
بخير جنود أباة أسود
ففي دار مصر المحافل تقام
إلى بيت مصر العروبه تعود
فغنوا معايا بلادى تعيش
على قلب واحد وفرقه مفيش
مسيحي ومسلم مواطن أصيل
وكل من يفرق جبان ما يساويش
وفعيون البهيه ينام السلام
على الفرقه قافله شيش بعد شيش
نهارها تجلي صباحها وئام
ونيلها بيروى أسوان للعريش
هتبقى بلادى جميله تمام
ولما هتحيا سنحيا نعيش
بلادي الجميله بلاد السلام
بلاد ألف ليله وأبراج الحمام
بتبني تعمر وتنسى الحروب
بهيه وعارفه معنى الوئام
بنيلك وشعبك مكافح أصيل
هترسخ عمادك عام بعد عام
ويطير الحمام ويحط الحمام
ويصدح يغنى بأحلى كلام
تعيشي بهيه وما بين الشعوب
علمك يرفرف ونقوله تمام
بقلمى د. عبدالحليم محمد هنداوى من ديواني فى حب الله وعشق الآوطان.
ليست هناك تعليقات:
إرسال تعليق