كيفك في جو الصيام
تقبل الله صيامكم و قيامكم
كيفك في جو الصيام
يا حلوة يا بنت الشام
كيفك و النسر منصور
زندو من فوق الغمام
كيفك و المجد محفوظ
بإسمك يا قدس الآلام
كيفك و القمر بالنور
واقف ع جرح الأيام
أشواقو..وقت السحور
نزلت ْ ع رف اليمام ْ
كيفك و الورد منثور
من دمعو ببعث سلام ْ
كيفك و النبض مأسور
حابس حالو بالهيام ْ
من شط "سرت" حتى "صور"
بعشقو ماشي للأمام ْ
شو حطيتي ع الفطور
يا "غزية" للأيتام..
أنا شفت العيد السعيد
طالع من بين الركام
شو خبيتي بالصدور
غير الدعوة للقيام..
يا كرامة شعب مهدور
ما بنفع غير الحسام
خلصونا منكو عاد
يا فصائل..يا انقسام ْ
\
كيفك في جو الصيام
من المغرب..حتى الأنبار
من تونس..حتى الأهرام
يا حلبية..حبك هام
أنا قلبي صاير مطار
طاير بستقبل إلهام !
يا نشمية عشقك دام
حتى اخضرت الأعوام
يا قمري..كل الغرام
بالجزائر..قلبي حام
كيفك في كل الأقطار
من اليمن..مجد و إقدام
بغدادي .. نهرك حزين
بس مجدك فوق الكلام
\
كيفك و بشهر الصيام
يا حلوة من فلسطين
زيتونك صامد همام
بعانق بطولة "جنين"
و جبالك فوق الأقزام
يا نابلس الميامين
ردوا بخليل الرحمن
و القبضة قالت آمين..
يا بطولة.."بقباطية"
منمسي ع الجبارين
يا بسالة في " أريحا"
منعاهدكو مش ناسيين
كيفك و بشهر الصيام
من حيفا حتى سخنين
كيفك يا بنت الأحرار
بليبيا رفعت الجبين
كيف الحالة في رمضان
ركضت بالجرح غزلان
كيفك يا بنت السودان
كيف النهر و البساتين
يمنية . جبل و مقام
طلتها فخر و حنين
\
كيفك يا حلوة من مصر
شو خبيتي فوق الخصر
بشوفك في عيد الفطر
لبوس العطر البسامْ
كيفك في كل الأمصار
كيفك في جو الصيام
قرّبنا نفطر يا ورد
و حمدنا رب الأنام
سليمان نزال
ليست هناك تعليقات:
إرسال تعليق