مُش هقدر أكمل
سامحني حبيي مُش هقدر
أكمل حياتي معاك ولازم أبعد
بس ياريت أقدر أنساك وعاوز
تعرف لية حقولك علشان
أريحك وأرتاح كمان من إللي
حاسة بيه
قرأت رسالة أنت كنت كتبها
ودموعي سالت منها وعرفت
مين شغلة بالك ومكنش
عارفة ساعتها أنا ببكي من
ظلمك واللي صعب عليا حالك
وقلت فيها كل إللي في قلبك
عذابك وظلمك من حب لسه
عايش في خيالك وبتشكي
ليها أوجاعك كأنها واقفة
قدامك ومبقتش عارفة أعمل
أيه
وقلت لقلبي وأخرتها أيه
لو سكت هندم طول عمري
ولو أتكلمت برده هتألم لا
يا قلبي مش هسمع كلامك
لازم أبعد أنا مش قد جرحك
وعذابك وخلية بللي هو فية
صعب عليا أستني وأتحمل
أكون مع واحد صورة وذكرى
وكم دمعة مشركاني فية
إنك تكون وافي لحب قديم
دا شيء جميل بس أنا ذنبي
أيه ولية خبيت عليا ماضيك
لية ما قلتش من الأول قبل
الطريق بينا ما يحلو ويطول
يمكن كنت أرضي أكون بديل
وعلشان كدة كان لازم أبعد
على قد مقدر وأقفل على
نفسي بابي وأداوي أحزاني
وأفكر قبل ما أحبك
أكتر وأكتر وياريت قلبي يقدر
بس لازم أبعد عنك طيب أنا
أعمل أيه لو ظهرت هي فجأة
وبقيت أنا ماضي وذكرى
هروح من جرحك فين وأزاي
حقدر أنسي أول حب ليا
أيوة حبيتك أنا مش نكرة
وأنت من أول نظرة وهمسة
حتحن لها وهتنسي عذابك
أنا عارفة وهتبعد وتنساني
سامحني مش هقدر أكمل
وأوعدك مش هشمت في
أوجاعك وعلشان بحبك
حدعيلك ربنا يسعد حياتك
بللي في قلبك وشاغلة بالك
بقلمي/ هشام محفوظ
ليست هناك تعليقات:
إرسال تعليق