قرب تعالى
يا هنا روحي
يا قلبي النابض
مستنيك رغم الأسيه
يا شمس الحاضر
يا حلم الماضي
يا أيامي الهنيه
قرب تعالى
عندى رساله
فيك استحاله
ترمش عنيه
قل لي مين
من العاشقين
رضي بهواه
فى الدنيا ديه
يا قريب وبعيد
يا غزال البيد
قلبك حديد
قلبي فُليه
يا قطر الندى
يا فوح الشذا
من الأشواك
تعبت إيديه
فين انت فين
يا ضى العين
سنه وسنتين
عدوا عليه
عشت فيها الغربه وحيد
وكل طيف أشوفه بعيد
أأقول دا طيفك
أصبح ألاقي نفسي وحيد
فين انت فين
يا دمع العين
وليه بقيت
حلم بعيد
راحت أيام
وجت أيام
وما باقي لينا
غير الأوهام
جف دمعك يا عين
وما باقي لينا
غير الألام
بقلمي د. عبدالحليم محمد هنداوي من ديواني حاملة الورد.
ليست هناك تعليقات:
إرسال تعليق