يا جمالو..بأرجوانو
يا جمالو بأرجوانو
رفرف قلبي ع َ أغصانو
لأقطف وردك بأوانو
و اتسلل على بستانو
لو سألوا مين الفدائي
قلت المجد و كنعانو
لو سألوا مين البحبك
قلت نبضي مع شريانو
نادتْ عليكي الحرية..
هزّي الغاصب مع أركانو
شو عملت فينا الصبية
نسينا الشعر و أوزانو !
يا جمالو بأرجوانو
خبّى همساتو بوجدانو
فوتي ع قلبي بعنوانك
حطّي إيدك ع ألحانو
كلك يا كلك..معشوقة
يا سحرك غطّى رمانو
يا جمالو بأوطانو..
يا زندو..درب فرسانو
كتبت ْ أقمارك قصايد
بس الحرف في ميدانو
يا جمالو بأرجوانو..
لأحضن ثوبك بألوانو..
سليمان نزال
ليست هناك تعليقات:
إرسال تعليق