أمي
إيه ياما بقالك كتير
في أحلامي مزرتنيش
إياك ياما مفكرنيش
إن كنت نسياني
أنا ياما منستكيش
فتحت الدلفة الأخيرة
ف الدلاب القديم
وأخرجت كل الصور
ودورت على صورتك
ملقتكيشششش
نزلت دموعي على خدي
لقيت يدك بتمسح دمعتي
دمعة دمعة وصوت بكايا كان
عالي سمعاني ولا مسمعنيش
سألتيني ليه بتبكي
عشان غيابك طال يا أمي
حقق عليا يابني ماتبكيش
دا غيرك أنت كان فالدنيا مليش
طيب ياما ياريت تجيني
كل يوم ساعة منام
وبيدك تلمسي شعري
بس ياأمي متتأخريش
بقلمي/عبد الحفيظ جابر شيبه
ليست هناك تعليقات:
إرسال تعليق