بقلمي
أحمد أبو حميدة
ألمانيا/غوسلار
*
لاتعتبي
*
العتب ع قد
المحبة
يادار...
شو ماصار فيكي
بتضلك عزيزي
يادار
عمري ..حبي
سما ..وارضي
بحري و مركبي
غزة لاتعتبي
خانوا
وقصروا
ولاشربة ماي
ولا حبة دواء
إحنا مقهورين
وغلابة
من قهرنا وغلبنا ساكتين
شايفين اطفالك
ونسوانك وبيوتك
صارت خراب
وأشلاء
مغلوبين على أمرنا
منحكي حكي
ومنتمتم
مرة دعاء
ومرة خوف
من العسس
ومرة من الوحش
والتنين
*
قاتل حاقد
يقصف الآمنين
ويهرب من الأبطال
والشجعان
هاي مش مرجله
أيها الحبناء
تدمير
المساجد والمشافي
والمخابز والمطاحن
وقطع المياه والكهرباء
وسرقة جثث الشهداء
لم يعملها بالتاريخ
إلا قلة من المجرمين
وشذاذ الآفاق
الحاقدين
*
غزة
الفارق كبير
معهم الغرب الديموقراطي
ومعك الله أكرم الأكرمين
صبرا اهل غزة
النصر الكبير آت
على عصابات القتل
والاجرام
وتجار الوطنية
و القيم والدين
*
الأقربون
وما ادراك ما الأقربون
غُلت نخوتهم وأيدهم
أعتبر غزة جار ....
ولو جار
أيها الانسان
مش من لحمك ودمك
إن كان جارك بخير
انت بخير
تتركه للوحوش والضواري
وقطاع الطرق
وسافكي الدماء
تتفرج ..وتنتظر
خاب فألك
أيها الغدار
والشمتان
ياللعار
*
لاتخافوا عليهم
قاتلهم جيفارا غزة
حتى استشهد
إنهم كالعنقاء
ينهضون من تحت الرماد
ثوار أحرار...يانار
كوني بردا وسلاما
على أطفالنا ونسائنا
وشيوخنا وجرحانا
رجالنا ..ثوارنا
غزتنا...عزوتنا
القدس..جنين
ونابلس جبل النار
عكا وحيفا ويافا
صفد وعين الزيتون
الجاعونه والكابري
ترشيحا..وكفر ياسف
وكل فلسطين..
*
احمد أبو حميدة
المانيا/غوسلار
28/11/2023
ليست هناك تعليقات:
إرسال تعليق