لوفي فيق الليل... بقلم الشاعر:: نبيل قزي

لو

لوفي فيق الليل 

بعيونك بشي موال.. 

وعالهمس أغمرك

متل الورد 

ليفوح العطر عشفافك

لو البعد طال.. 

شو هالعتب رحماني

من قلب أبيض 

بيعشق الحلا والجمال.. 

بدك نلتقي والأرض 

مسكونة بالجن والبشر 

وحياتك قلبي ما مال.. 

تعي نفيق الليل 

ونسرق نجم الأمل 

قبل ما يغرق الرمش 

بالكحل وعالخد سال.. 

القلب دق والحرف 

ناي والسهر سكران 

وانا مهبول بصدق 

هالنسوان.. 

ياطير الحمام 

قلها الحلوين كتار 

وقلبي بعشقها ناطر 

مرسال.. 

           نبيل قزي