[[ كل من عليها خان ]]
بقلمي محمــد سليمــان أبوسند
كل من عليها خان
عبقري أو رقاص فى سيرك
أو بهلوان
حتى الطفل في بطن أمه
قبل ماينزل أرضنا برضه خان
كل مابنقفل باب ينفتح
في وشنا رأي ومعاه مليون جبان
بيصدقو ع اللي بيكتبوه وينشروه ويبصموا ويحلفوا بالمصاحف فى المقاطف
زي ماقالت أم عاطف
أن كان عهده
أعظم عهد من عهود
مرت علينا ونسيانين
وإحنا ماسكنا داء القطط
إننا ناكل ونكارين
خير وعشنا فيه زمان
ليه بننكر إننا كنا مرتاحين
جاي معاهم طبلجيه
م اللي عمالين بيحكوا عن زعيم
من عهد جدي أو جدك القديم إنجازاته إلهاماته إنتصاراته
اللي ضيعت أرضنا
من سنين
وبطلنا كان من ورق
نقرا عنه في حواديت
الجده نعمة
أو كتاب من أساطير
عهدنا القديم
زي أدهم الشرقاوي أو زناتي
وبعدها نقفل صفحة تايهه
من زمانا اللي عدى وراح
واللي مش هانشوفو
تانى أو نتكلم عليه
بقلمي محمــد سليمــان أبوسند
ليست هناك تعليقات:
إرسال تعليق