الأشواق
قابلني الشوق وخلاني
أدوب فى هواه من تاني
نسيت أساه والوحده
نسيت حزني وحرماني
نسيت فيوم أترجيته
أو تاني يوم أترجاني
نسيت ساعتها بعدنا ليه
والفرحه بانت جوا عنيه
نظرلي قال الحق عليه
والورده هامت جوا إيديه
ودبنا. فدنيا كلها أحلام
كلها أشواق كلها أنغام
حتى العذاب المر مر علينا
بدون أسى ومر مر علينا
ورجعت الأحلام تنادينا
ودمع الفرح فعنينا
والفرحه باتت مش سايعانا
والحزن داب بليل هوانا
والورده جنب الشمعه تشجينا
والدمعه جوا الشمعه تروينا
والبسمه جوا النسمه ترضينا
والهمسه قبل اللمسه تحينا
ولما فاضت بينا الأشواق
فرحنا جرينا شكرنا الفراق
بقلمي د. عبدالحليم محمد هنداوي من ديواني حاملة الورد.
ليست هناك تعليقات:
إرسال تعليق